Sóknarmennirnir Hólmbert Aron Friðjónsson og Gary Martin gætu verið á förum frá KR samkvæmt frétt 433.is.
Sænska félagið Norrköping á í viðræðum við KR um kaup á Hólmberti en þetta staðfestir Jónas Kristinsson, framkvæmdarstjóri knattspyrnudeildar KR.
Hólmbert skoðaði aðstæður og æfði með Norrköping á dögunum.
Þá gæti Gary Martin einnig yfirgefið KR samkvæmt sögusögunum. Víkingar í Reykjavík eru sagðir á 433.is hafa átt í viðræðum við KR.
„Ég get ekki staðfest það heldur, það er alltaf eitthvað í gangi," sagði Jónas um framtíð Gary Martin.
Talsverðar breytingar hafa orðið á leikmannahópi KR eftir síðasta tímabil.
Komnir:
Finnur Orri Margeirsson frá Lilleström
Indriði Sigurðsson frá Viking
Michael Præst frá Stjörnunni
Kennie Chopart frá Fjölni
Morten Beck Andersen frá Danmörku
Farnir:
Emil Atlason í Þrótt
Grétar Sigfinnur Sigurðarson í Stjörnuna
Jónas Guðni Sævarsson í Keflavík
Kristinn Jóhannes Magnússon hættur
Rasmus Christiansen í Val
Sören Frederiksen í Viborg
Þorsteinn Már Ragnarsson í Víking Ó.
Almarr Ormarsson í KA
Athugasemdir