Fótbolti.net

Bestur í Mjólkurbikarnum: Vakinn með símhringingu - „Á Jölla mikið að þakka"

Sigdís Eva: Vissum að við gætum þetta og sýndum það í leiknum

Pétur: Það var ekkert lið inni á vellinum

John Andrews: Vorum að spila gegn líklega besta liði landsins

Kallaði þetta gott eftir fimm hnéaðgerðir og fær góð ráð frá pabba sínum

Þurfti að róa Pablo eftir leik - „Leikmenn eiga ekki að skipta sér af áhorfendum“

„Ef þetta heldur svona áfram verða bara allir í banni eftir smá stund"

Hefði sætt sig við jafntefli - „Ég held að við höfum reynt 5 eða 6 plön í þessum leik“

Alex Freyr ósáttur: Þetta er bara sorglegt

Eysteinn á von á geggjuðum leik - „Jölli er alltaf Jölli í Portúgal"

Arnór Smára: Hafði persónulega mikla þýðingu fyrir mig

Draumadráttur Jökuls: Augnablik á stóran hluta af mínu hjarta og mun alltaf gera

Kjartan Henry: Hallgrímur sá ekki til sólar eftir það

Var vítaspyrnudómurinn í Árbæ rangur?

Lék sinn fyrsta leik í efstu deild og vildi víti - „Fann fyrir snertingu og lét mig detta"

Líður eins og Valsarar hafi tapað leiknum - „Hafði aldrei trú á því að hann væri að fara skora"

Arnar Grétars: Gerði mikið fyrir okkur að vera með frábæran markmann

Svekktur yfir því að vinna ekki Val - „Mjög dapurt víti, svo við tölum hreint út“

Jón Þór: Bíð jafn spenntur og þú

Viktor Jóns: Get skorað mörk hvar sem er

fim 08. mars 2018 18:30

Magnús Már Einarsson

Hörður Björgvin: Allt öðruvísi en ítalski og íslenski boltinn

Hörður í baráttu við Marcus Rashford í leik í enska deildabikarnum.

Mynd: Getty Images

Hörður reynir að ná boltanum af Bernardo Silva.

Mynd: Getty Images

Íslenski landsliðsmaðurinn Hörður Björgvin Magnússon hefur átt fast sæti í byrjunarliði Bristol City að undanförnu. Hörður hefur spilað 21 leik í Championship deildinni í vetur sem og sjö leiki í enska deildabikarnum.

Í lok félagaskiptagluggans í ágúst var ekki útlit fyrir að svo yrði því Hörður var þá hársbreidd frá því að fara til Rostov í Rússlandi. Pappírarnir klikkuðu á síðustu stundu og því varð ekkert af skiptunum. Eftir bekkjarsetu framan af tímabili náði Hörður síðan að vinna sig inn í liðið hjá Bristol.

„Ég held að þetta hafi átt að verða svona, að ég yrði áfram. Ég var sáttur með að fá þá áskorun að þurfa að berjast fyrir sætinu mínu," sagði Hörður.

„Það bætir mig bara sem leikmann að reyna að ná sæti hjá Bristol. Þetta er sterk deild og góðir leikmenn þannig að maður þarf að vera á tánum allan tímann."

Meiri vinstri bakvörður en miðvörður
Hörður hefur fest sig í sessi sem vinstri bakvörður hjá íslenska landsliðinu. Hjá Bristol leikur hann bæði í bakverði og í hjarta varnarinnar en hvort er hans staða?

„Ég er orðinn meiri vinstri bakvörður núna. Ég fæ meiri séns þar og í landsliðinu líka en ég er mjög sáttur með að geta spilað tvær stöður."

Hörður hefur þó undanfarið verið í hjarta varnarinnar hjá Bristol í fjarveru Nathan Baker. Hörður var tekinn af velli gegn Preston í vikunni en hann reiknar með að vera áfram í byrjunarliðinu þar sem miðvörðurinn Aden Flint er á leið í bann eftir að hafa fengið beint rautt spjald fyrir olnbogaskot gegn Preston.

„Hann er í banni í 3 leiki. Hinn hafsentinn sem hefur verið meiddur kemur kannski inn en ég býst með að vera í byrjunarliðinu næstu þrjá leikina."

Öðruvísi fótbolti
Harkan er ríkjandi í ensku Championship deildinni og mikið um skallabolta og návígi. „Þetta er allt öðruvísi en ítalski og íslenski boltinn. Þetta er meira klafs og ná að hreinsa. Maður þarf að vera rétt stilltur frá fyrstu mínútu í þessari deild. Þeir eru snöggir að refsa ef þú gerir mistök," sagði Hörður en horfa má á viðtalið hér að ofan.

Sjá einnig:
Hörður Björgvin: Markvörðurinn kom hljóðlátur til mín