Ástralska flugfélagið Bonza er orðið gjaldþrota vegna fjárhagsörðugleika fjárfestingafyrirtækisins 777 Partners, sem er meirihlutaeigandi í flugfélaginu.
777 Partners hafa þurft að taka mikinn pening úr flugfélaginu til þess að halda enska úrvalsdeildarfélaginu Everton á floti að undanförnu.
Fjárfestingafyrirtækið er að reyna að festa kaup á Everton, en eigendaskiptin hafa verið að ganga gríðarlega hægt og hafa helstu stuðningsmannahópar Everton misst trúna á að skiptin muni ganga í gegn.
777 Partners ætlar að gera allt í sínu valdi til að ganga frá kaupum á Everton, en ljóst er að fjárhagsforði fyrirtækisins er á þrotum.
Everton hefur stór áform fyrir framtíðina, þar sem félagið er að byggja nýjan leikvang í Liverpool.
Athugasemdir