Keyrol Figueroa hefur skrifað undir sinn fyrsta atvinnumannasamning við Liverpool.
Um er að ræða afar efnilegan sóknarmann en hann er sonur Maynor Figueroa sem lék áður fyrr með Wigan í ensku úrvalsdeildinni. Maynor var varnarmaður en sonur hans er sóknarmaður sem elskar að skora.
Keyrol Figueroa hefur núna verið í nokkur ár í akademíu Liverpool en hann vakti mikla athygli fyrir nokkrum árum þegar hann skoraði 90 mörk á einu tímabili með U14 liðinu.
Þessi 17 ára gamli leikmaður hefur einnig gert flotta hluti með unglingalandsliðum Bandaríkjanna.
Það verður spennandi að sjá hvort Keyrol nái að fylgja í fótspor föður síns með því að spila í ensku úrvalsdeildinni.
Athugasemdir