Mkhitaryan mun skrifa undir fjögurra ára samning hjá Dortmund, sem greiðir 25 milljónir evra fyrir Armenann.

Fyrr í dag gekkst hann undir læknisskoðun og fljótlega eftir það tilkynnti Dortmund þýsku kauphöllinni um kaup á leikmanninum.

Mkhitaryan vakti mikla athygli fyrir frammistöðu sína með Shakhtar, en hann skoraði í heildina 38 mörk í 72 leikjum með Shakhtar. Enska stórliðið Liverpool bauð meðal annars í hann fyrr í sumar.