fim 08. október 2015 17:28
Magnús Már Einarsson
Drónar bannaðir á Laugardalsvelli
Icelandair
Mynd: Fótbolti.net - Hafliði Breiðfjörð
Lögreglan á höfuðborgarsvæðinu óskar eftir því að engum flygildum, drónum, verði flogið yfir Laugardalsvöll á laugardag í tengslum við leik Íslands og Lettlands.

Þetta eru sömu tilmæli og komu fyrir leikinn gegn Kasakstan í síðasta mánuði.

Tilkynning frá lögreglu:
Lögreglan á höfuðborgarsvæðinu hefur sett fram þau tilmæli að flygildum verði ekki flogið í Laugardalnum laugardaginn 10. október, frá kl. 12 til 24, en sama dag mætast Ísland og Lettland í undankeppni EM.

Nánar tiltekið er um að ræða knattspyrnuleikvanginn og 500 metra radíus í kringum hann. Þetta er gert til að gæta öryggis áhorfenda og leikmanna, en beiðni þess efnis barst lögreglu frá Knattspyrnusambandi Íslands.
Athugasemdir
banner
banner
banner
banner