Guðmundur, sem gerði garðinn frægan með Keflavík um árabil, tók við þjálfun Njarðvíkur haustið 2013 en hann var spilandi þjálfari til að byrja með.

Við sama tækifæri var tilkynnt að þeir Ari Már Andrésson, Brynjar Freyr Garðarsson, Gísli Freyr Ragnarsson, Stefán Birgir Jóhannesson og Theodór Guðni Halldórsson hafi gengið frá nýjum samningum og munu þeir leika með liðinu á næstu leiktíð.

Njarðvík endaði í 10.sæti 2.deildarinnar á nýafstöðnu tímabili, aðeins stigi frá falli en liðið var í fallbaráttu stærstan hluta sumars eftir góða byrjun á mótinu.