Brasilíska goðsögnin Ronaldinho er án félags þessa dagana en hann segist ekki vera farinn að íhuga að leggja skóna á hilluna.
Hann náði samkomulagi við brasilíska úrvalsdeildarliðið Fluminense á dögunum um að rifta samningi sínum við félagið eftir aðeins tveggja mánaða dvöl.
Þessi 35 ára gamli leikmaður var þar á undan á mála hjá mexíkóska liðinu Queretaro en hann staldraði líka stutt við þar.
„Ég ætla að halda áfram að spila í einhvern tíma í viðbót. Ég fæ ný tilboð á hverjum degi."
„Mér líður vel og heilsan er góð. Það segir sitt að félög hafa enn áhuga á mér. Ég tel mig enn hafa burði til að spila í háum gæðaflokki og það heldur mér gangandi," sagði Ronaldinho.
Ronaldinho var tvisvar valinn besti leikmaður heims þegar hann var upp á sitt besta en þá lék hann með Barcelona.
Athugasemdir