Móðir Pierre-Emerick Aubameyang, framherja Dortmund, segir að draumur sonar síns hafi alltaf verið að spila með Real Madrid.
Hann er með samning við þýska félagið til 2020 en hann hefur áður lýst yfir áhuga sínum með að spila fyrir Real.
Framherjinn hefur einnig verið orðaður við Barcelona en ef hann fengi val um spænsku risana segir móðir hans að valið yrði auðvelt.
„Hann lofaði afa sínum að hann myndi spila með Real Madrid og síðan hann var lítill talaði hann alltaf um Real Madrid, ekki Barcelona. Fjölskyldan hefur alltaf haldið með Real og það væri frábært að sjá hann í hvítu," sagði móðir hans.
Athugasemdir