Vegna framkvæmda við White Hart Lane, heimavöll Tottenham, hefur liðið spilað heimaleiki sína í Meistaradeildinni á Wembley, þjóðarleikvangi Englendinga.

Liðið tapaði gegn Mónakó og Bayer Leverkusen á Wembley og skemmdi það Meistaradeildarvonir félagsins. Mauricio Pochettino segir að sigurinn í gær hafi verið mjög jákvæður fyrir lið sitt sálrænt.

„Við sýndum að við getum unnið hérna og það var mikilvægt fyrir okkur. Við höfum trú á því að við getum unnið Evrópudeildina og farið langt í úrvalsdeildinni," segir Pochettino en Wembley verður líka heimavöllur Tottenham í Evrópudeildinni.

„Við erum í góðri stöðu, svipaðri og á síðustu leiktíð. Reyndar erum við með tveimur stigum meira í deildinni."