ÍBV vann góðan 2-0 sigur á Breiðabliki í Fótbolta.net mótinu í Fífunni í dag.

Benedikt Októ Bjarnason kom ÍBV yfir eftir rúman hálftíma og Gunnar Heiðar Þorvaldsson bætti við öðru marki rétt fyrir leikhlé.

Gunnar Heiðar klippti boltann laglega í netið eftir hornspyrnu en Blikar náðu ekki að bjarga á línu.

Gunnleifur Gunnleifsson fékk frí í liði Blika fyrir landsliðsferðina til Abu Dhabi á morgun. Oliver Sigurjónsson var heldur ekki með vegna meiðsla. Þá byrjaði Höskuldur Gunnlaugsson á bekknum en hann var líkt og Oliver með U21 árs landsliðinu í Tyrklandi í vikunni.

Pablo Punyed byrjaði á bekknum hjá ÍBV en hann kom til landsins í gær. Þá er Abel Dhaira ekki mættur til landsins en Halldór Páll Geirsson stóð á millli stanganna hjá ÍBV og átti fínan dag.

Byrjunarlið Breiðabliks: Hlynur Örn Hlöðversson, Guðmundur Friðriksson, Viktor Örn Margeirsson, Elfar Freyr Helgason, Ósvald Jarl Traustason, Damir Muminovic, Andri Rafn Yeoman, Arnþór Ari Atlason, Atli Sigurjónsson, Sergio Carrallo Pendás, Guðmundur Atli Steinþórsson.

Byrjunarlið ÍBV: Halldór Páll Geirsson, Óskar Elías Zoega Óskarsson, Hafsteinn Briem, Avni Pepa, Jón Ingason, Benedikt Októ Bjarnason, Ian Jeffs, Felix Örn Friðriksson, Aron Bjarnason, Sigurður Grétar Benónýsson, Gunnar Heiðar Þorvaldsson.