Jurgen Klopp, stjóri Liverpool, staðfesti í dag að Philippe Coutinho verði í leikmannahópnum gegn Southampton á miðvikudag í fyrri leik liðanna í undanúrslitum enska deildabikarsins.
Coutinho hefur ekkert spilað með Liverpool síðan hann meiddist á ökkla gegn Sunderland í lok nóvember.
Coutinho hefur ekkert spilað með Liverpool síðan hann meiddist á ökkla gegn Sunderland í lok nóvember.
James Milner og Jordan Henderson eru einnig báðir klárir í slaginn eftir meiðsli. Joel Matip mætti einnig á sína fyrstu æfingu í dag síðan hann meiddist 11. desember.
Þetta eru góð tíðindi fyrir Liverpool en liðið mætir Southampton í deildabikarnum á miðvikudag og á sunnudag fer liðið á Old Trafford og mætir Manchester United í ensku úrvalsdeildinni.
Klopp staðfesti einnig í dag að Loris Karius verði mjög líklega í markinu í leiknum á miðvikudag líkt og gegn Plymouth í enska bikarnum í gær.
Athugasemdir