Guardian fer eftir helgina yfir tíu umtöluð atriði í ensku úrvalsdeildinni. Þar fær Gylfi Þór Sigurðsson meðal annars mikið hrós.
Gylfi hefur skorað fimm mörk í sex leikjum á þessu ári en hann skoraði beint úr aukaspyrnu gegn Crsytal Palace um helgina.
Stuart James, blaðamaður Guardian, veltir því fyrir sér hvort Gylfi sé besti spyrnusérfræðingurinn í ensku úrvalsdeildinni.
Frá því árið 2012 hefur Gylfi skorað næstflest mörk úr aukaspyrnum í deildinni en einungis Christian Eriksen hjá Tottenham er með fleiri. Gylfi hefur skorað fimm mörk úr aukaspyrnu síðan árið 2012 en Eriksen sex.
„Í liði sem á í vandræðum með að skora þá er framlag Sigurðsson ómetanlegt," segir James meðal annars í greininni á Guardian.
Athugasemdir