CIES Football Observatory er búið að rannsaka öll kaup janúargluggans í þaula og hefur komist að þeirri niðurstöðu að kaup Newcastle á Jonjo Shelvey voru þau hagstæðustu.
Fyrirtækið reiknar út raunverulegt verð leikmanna með stærðfræðiformúlu sem tekur mest mark á aldri leikmanna, stöðu þeirra á vellinum, samningslengd og launum, gengi með landsliðinu, reynslu og frammistöðu.
Fyrirtækið reiknar út raunverulegt verð leikmanna með stærðfræðiformúlu sem tekur mest mark á aldri leikmanna, stöðu þeirra á vellinum, samningslengd og launum, gengi með landsliðinu, reynslu og frammistöðu.
Samkvæmt tölum CIES voru kaupin á sóknarsinnaða miðjumanninum Jonjo Shelvey þau hagstæðustu í janúarglugganum, en Newcastle greiddi 12 milljónir punda fyrir hann þegar raunvirði hans er 23.5 milljónir.
Kínverska félagið Guangzhou Evergrande gerði þá óhagstæðustu kaup janúargluggans þegar Jackson Martinez var keyptur til félagsins á 31 milljón punda, en átti í raun ekki að kosta meira en 13 milljónir punda.
Jiangsu Suning greiddi þá rúmlega 8 milljónum punda of mikið fyrir Ramires, sem var keyptur frá Chelsea, og Bournemouth borgaði alltof mikið fyrir Lewis Grabban sem hefði átt að kosta undir eina milljón punda.
Athugasemdir