Norski kantmaðurinn Morten Gamst Pedersen hefur gengið til liðs við uppeldisfélag sitt Tromsö.
Hinn 34 ára gamli Morten Gamst fór frá Tromsö til Blackburn árið 2004. Þar spilaði hann í tíu ár áður en hann gekk í raðir Rosengborg.
Hinn 34 ára gamli Morten Gamst fór frá Tromsö til Blackburn árið 2004. Þar spilaði hann í tíu ár áður en hann gekk í raðir Rosengborg.
Morten Gamst er vinstri kantmaður líkt og Aron Sigurðarson leikmaður Fjölnis, sem var á reynslu hjá Tromsö á dögunum.
Tromsö er í viðræðum við Fjölni um kaup á Aroni og samkvæmt frétt mbl.is eru ennþá ágætis líkur á að leikmaðurinn fari þangað.
„Viðræður eru enn í gangi og það er svona smá nudd á milli félaganna en þó á jákvæðum nótum. Boltinn er hjá Tromsö núna og við reiknum með að heyra frá þeim á morgun,“ sagði Kristján Einarsson formaður knattspyrnudeildar Fjölnis við mbl.is.
Athugasemdir