Sigurbjörn Hreiðarsson, aðstoðarþjálfari Vals, var ánægður með leik sinna manna sem höfðu betur gegn Víkingi R. í undanúrslitum Reykjavíkurmótsins í kvöld.
Valur vann leikinn í vítaspyrnukeppni eftir markalausar 90 mínútur, þar sem Valsarar voru meira með boltann en Víkingar fengu hættulegustu færin.
Valur vann leikinn í vítaspyrnukeppni eftir markalausar 90 mínútur, þar sem Valsarar voru meira með boltann en Víkingar fengu hættulegustu færin.
Lestu um leikinn: Víkingur R. 3 - 5 Valur
„Mér fannst við vera með þennan leik algjörlega. Þeir koma aðeins upp í seinni hálfleik en missa svo mann útaf og þá var þetta bara spurning um að reyna að finna glufu á þeim," sagði Bjössi.
„Við vorum þéttir, hefðum getað spilað boltanum aðeins hraðar á milli en grasið hérna er bara þannig að það býður ekki uppá mjög hraðan fótboltaleik, því miður. Það verður bara að segjast alveg eins og er," hélt aðstoðarþjálfarinn áfram, en keppt var á gervigrasinu í Egilshöllinni.
Valur mætir Fjölni í úrslitaleik á mánudaginn og segir Bjössi félagið stefna á að vinna sem flest mót á undirbúningstímabilinu. Það vantaði marga lykilmenn í lið Vals sem eru ýmist meiddir eða að spila með íslenska landsliðinu og telur Bjössi frammistöðuna í fjarveru þeirra afar jákvæða.
Undir lok viðtalsins virtist hlakka til í Bjössa þegar hann var spurður út í tilvonandi aðgerðir Vals á leikmannamarkaðinum, en félagsskiptaglugginn opnar 22. febrúar.
Athugasemdir