Íslenska kvennalandsliðið tók í dag lokaæfingu fyrir landsleikinn gegn Færeyjum sem verður hér í Þórshöfn á morgun. Eftir æfinguna ræddi varnarmaðurinn Ingibjörg Sigurðardóttir við Fótbolta.net.
Hvernig tókst æfingin til?
Hvernig tókst æfingin til?
„Hún byrjaði brösuglega en við komumst í gírinn í lokin og erum komnar með þetta núna. Leikurinn á morgun er mikilvægur fyrir okkur til að verða betri og þróa okkar leik," segir Ingibjörg.
Færeyska liðið er með markatöluna 0-32 eftir fyrstu fjóra leiki sína í riðlinum. Liðið hefur enn ekki náð að skora mark. Geta varnarmennirnir eitthvað slakað á?
„Nei, við fáum kannski stærra hlutverk á öðrum stöðum á vellinum. Við megum ekki missa fókus því þær eru með fína fótboltamenn sem geta refsað."
„Við þurfum að horfa á þennan leik að nota hann til að verða betri sem lið og þróa leikfræðina og þannig. Þetta er mjög mikilvægur leikur fyrir okkur."
Ingibjörg er ánægð með gervigrasið í Þórshöfn og segir að það gefi liðinu tækifæri á að hafa hátt tempó í sendingum.
„Þetta er bara geggjað gras og aðstæðurnar eru geggjaðar."
Sjáðu viðtalið í heild sinni í sjónvarpinu hér að ofan.
Athugasemdir