Fimm ára vera Jose Enrique hjá Liverpool er komin á enda en leikmaðurinn er frjáls ferða sinna eftir að hafa leikið 76 deildarleiki fyrir félagið.
Enrique hefur fengið lítinn spilatíma á tímabilinu og hafa nokkur félög úr spænsku deildinni verið orðuð við hann.
Enrique hefur fengið lítinn spilatíma á tímabilinu og hafa nokkur félög úr spænsku deildinni verið orðuð við hann.
Enrique leikur sem vinstri bakvörður en er á eftir samlanda sínum Alberto Moreno í goggunarröðinni. Þá hefur Jurgen Klopp frekar kosið að nota óreynda táninga heldur en Enrique undanfarna mánuði.
Enrique er 30 ára gamall og hefur áður spilað fyrir Celta Vigo, Villarreal og Newcastle. Þar að auki á hann níu landsleiki fyrir yngri landslið Spánverja að baki.
Athugasemdir