Oliver Sonne skoraði eina mark Silkeborgar á 38. mínútu leiksins og reyndist það nóg.

Stefán Teitur skoraði með skalla á 81. mínútu og virtist hafa gulltryggt sigurinn, en VAR dæmdi markið af vegna rangstöðu.

Silkeborg náði engu að síður að landa sigrinum. Þetta var fyrsti titill Stefáns með liðinu og aðeins annað sinn í sögunni sem Silkeborg vinnur bikarinn. Stefán lék allan leikinn með Silkeborg og þá spilaði Mikael Neville Anderson allan leikinn með AGF.

Eftir leikinn var Stefán Teitur valinn baráttumaður ársins í bikarnum þetta árið fyrir magnaða frammistöðu. Magnað afrek hjá Stefáni, sem hefur verið að gera ótrúlega hluti á þessari leiktíð.