„Indriði er frábær leikmaður sem hefur staðið sig rosalega vel úti og á nóg eftir. Við fögnum þessu. Hann er ekki síður mikilvægur utan vallar, inni í klefa og í félaginu í heild. Það er rosalega sterkt að fá Indriða heim," segir Bjarni Guðjónsson, þjálfari KR.
Indriði Sigurðsson er kominn aftur heim í KR en hann hefur verið í atvinnumennskunni síðan 1999. Indriði skrifaði undir tveggja ára samning við KR-inga eftir að hafa verið fyrirliði Viking í Stafangri undanfarin ár.
„Indriði hefði getað spilað úti þar til hann hefði þurft að leggja skóna á hilluna ef hann hefði kosið svo. Þess vegna eru gleðitíðindi að hann hafi ákveðið að koma í slaginn fyrir næsta sumar. Hann á nóg eftir."
Viðtalið má sjá í heild sinni í sjónvarpinu hér að ofan en þar talar Bjarni nánar um leikmannamál KR.
Athugasemdir