„Það fyrsta og eina á dagskrá þar voru þjálfaramál. Það var ákveðið að hafa samband við fimm menn og ræða við þá. Þetta kemur síðan í ljós," sagði Jón G. Benediktsson, nýr formaður, í samtali við Fótbolta.net í dag.

Jón staðfesti að Þorvaldur Örlygsson sé á listanum en hann hefur verið sterklega orðaður við þjálfarastöðuna í Keflavík eftir að hann hætti með HK um síðustu helgi.

„Menn hafa sett sig í samband við okkur og við höfum fengið fjölda hringinga. Einn af mönnunum á listanum er danskur og við erum að horfa á þetta í víðara samhengi," sagði Jón.

Keflvíkingar féllu úr Pepsi-deildinni í sumar og verða í 1. deildinni á næsta ári í fyrsta skipti síðan árið 2003.