Emil Hallfreðsson, leikmaður íslenska landsliðsins, var yfirvegaður en afar ánægður eftir 2-0 sigurinn á Kósóvó í kvöld. Emil hefur verið alger lykilmaður í síðustu leikjum liðsins.
Lestu um leikinn: Ísland 2 - 0 Kosóvó
Emil var í banni gegn Tyrkjum í síðasta leik en kom inn í liðið í kvöld og stóð sig vel.
Ísland vann I-riðil örugglega með 22 stig og fer því beint til Rússlands á HM.
„Þetta er eiginlega ótrúlegt. Þetta er skrítið, maður er að klípa sig og slá sig utan undir þegar maður var kominn inn í klefa. Þetta er frábær tilfinning og magnað afrek. Það að við höfum unnið riðilinn og búnir að tryggja okkur í umspilið sýnir hvað við erum góð liðsheild," sagði Emil í samtali við Fótbolta.net.
„Ég held að allir hafi fundið fyrir einhverju stressi eðlilega. Þetta er stærsti leikur í sögu Íslands ef einhver segir að hann hafi ekki fundið fyrir stressi þá er hann að ljúga að þér."
„Þetta leið hægt, það var 2-0 og þeir voru aldrei að fara að skora en þetta leið samt ekkert svo hægt," sagði hann ennfremur.
Hægt er að sjá viðtalið í heild sinni hér fyrir ofan.
Athugasemdir