Það sauð allt uppúr í lok leiks Manchester City og Manchester United í ensku úrvalsdeildinni í dag og stuðningsmenn City liðsins urðu brjálaðir.
Robin van Persie skoraði sigurmark Manchester United beint úr aukaspyrnu í uppbótartíma og Rio Ferdinand fagnaði markinu fyrir framan stuðningsmenn City.
Robin van Persie skoraði sigurmark Manchester United beint úr aukaspyrnu í uppbótartíma og Rio Ferdinand fagnaði markinu fyrir framan stuðningsmenn City.
Þeir brugðust reiðir við og pening var hent í andlit Ferdinand sem varð blóðugur í andliti á eftir.
Mikil læti urðu eftir þetta og lögregla þurfti að hafa sig alla við að hemja stuðningsmenn Manchester City sem mörgum var mjög heitt í hamsi.
Einn þeirra komst framhjá löggæslunni og ætlaði að vaða í Ferdinand en þá kom Joe Hart markvörður City liðsins til skjalanna og stöðvaði stuðningsmanninn. Þetta atvik var ekki sýnt í sjónvarpi en má sjá vel á ljósmyndinni hér til hliðar og fyrir neðan.
