Yannick Bolasie, kantmaður Everton, verður líklega frá keppni í heilt ár vegna hné meiðslanna sem hann varð fyrir gegn Manchester United um síðustu helgi.

Bolasie meiddist eftir samstuð við Anthony Martial og fljótlega kom í ljós að um alvarleg meiðsli væri að ræða.

Nýjustu fréttir frá Englandi herma að Bolasie verði frá keppni í heilt ár eftir aðgerð.

Leikmenn eru oftast frá í 6-8 mánuði eftir að hafa slitið krossband í hné en meiðsli Bolasie eru ennþá verri. Bolasie meiddist ekki einungis á krossbandi heldur einnig á liðböndum.