fös 09. desember 2016 18:51
Guðmundur Aðalsteinn Ásgeirsson
Danmörk: Kjartan Henry með mark í sigri Horsens
Kjartan Henry (hér til vinstri) var á skotskónum í dag
Kjartan Henry (hér til vinstri) var á skotskónum í dag
Mynd: Getty Images
Horsens 3 - 0 AaB
1-0 Kjartan Henry Finnbogason ('8 )
2-0 Kim Aabech ('51 )
3-0 Conor O'Brien ('70 )

Hinn íslenski Kjartan Henry Finnbogason var á skotskónum þegar lið hans, Horsens, mætti AaB frá Álaborg í dönsku úrvalsdeildinni í dag.

Horsens var tveimur stigum á eftir AaB fyrir leikinn, en þeir mættu hins vegar miklu grimmari til leiks og eftir átta mínútur skoraði Kjartan Henry fyrsta markið.

Staðan var 1-0 í hálfleik, en í seinni hálfleiknum bætti lið Horsens við tveimur mörkum og þar við sat. Kjartan Henry var tekinn af velli á 79. mínútu.

Lokatölur 3-0 fyrir Horsens og góður sigur þeirra staðreynd. Þeir eru nú með 27 stig í sjöunda sæti deildarinnar, en AaB er í sætinu fyrir neðan.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner