Ekkert lið hefur skorað eins mikið og Liverpool í deildinni en þeir eru með 35 mörk í 14 leikjum en Sturridge hefur ekki skorað eitt einasta af þeim.

Baros vann Meistaradeildina með Liverpool árið 2005 og segir hann að Sturridge ætti ekki að færa sig um set, heldur berjast fyrir sætinu sínu.

„Þetta er búið að vera erfitt fyrir hann. Það er leiðinlegt að Liverpool sé ekki í Evrópukeppni því þá fær hann færri tækifæri. Vonandi breytist það á næstu leiktíð hjá Liverpool," sagði Tékkinn.

„Hann verður að vera þolinmóður. Ég hef lesið um að hann gæti yfirgefið Liverpool en það eru ekki mörg félög stærri en það sem hann er í núna. Það þarf ekki nema ein meiðsli og að hann haldist heill heilsu, þá þarf hann að nýta tækifærið sitt," sagði hann að lokum.