Topplið RB Leipzig heldur áfram að koma á óvart í þýsku úrvalsdeildinni.

Þeir mæta botnliði Ingolstadt á laugardaginn og verður forvitnilegt að sjá hvort þeir haldi þriggja stiga forskoti sínu á Bayern eða jafnvel bæta í það. Bayern mætir Wolfsburg sem hefur valdið miklum vonbrigðum á tímabilinu og eru í fallbaráttunni.

Alfreð Finnbogason er enn frá keppni með Augsburg vegna meiðsla en liðið mætir Hamburger sem er í næstneðsta sæti. Augsburg þarf á stigum að halda til að breikka bilið á milli sín og neðstuu liðanna.

Aron Jóhansson og félagar í Werder Bremen fara til Berlinar þar sem þeir mæta Herthu sem hefur komið mikið á óvart og eru í 3. sæti. Bremen er hins vegar aðeins þrem stigum frá fallsæti.