West Bromwich Albion er komið áfram í 16-liða úrslit enska bikarsins eftir sigur á C-deildarliði Peterborough í vítaspyrnukeppni.

Eftir markalausan fyrri hálfleik kom John Taylor C-deildarliðinu yfir snemma í síðari hálfleik.

Fyrirliði WBA, Darren Fletcher jafnaði metin skömmu síðar og þannig stóðu leikar eftir venjulegan leiktíma. Því þurfti að framlengja.

Ekkert mark var skorað í framlengingunni og því gripið til vítaspyrnukeppni þar sem úrvalsdeildarliðið hafði betur en Ben Foster varði tvær vítaspyrnur heimamanna.