Phil Gartside, stjórnarformaður Bolton, er látinn 63 ára að aldri. Gartside steig til hliðar vegna veikinda í nóvember síðastliðnum en hann hafði stýrt félaginu í sextán ár.
Gartside lést á heimili sínu eftir baráttu við krabbamein.
Hann upplifði ýmislegt í starfi sem stjórnarformaður. Félagið komst upp í úrvalsdeildina og í Evrópukeppni í fyrsta sinn í sögu þess. Síðustu ár hafa reynst Bolton erfið, liðið féll úr úrvalsdeildinni 2012 og er í neðsta sæti B-deildarinnar í gríðarlegum fjárhagserfiðleikum.
Gartside þekkti marga Íslendinga vel eftir tíma sinn hjá Bolton en hann og Guðni Bergsson, fyrrum fyrirliði Bolton, voru góðir vinir.
Athugasemdir