„Við erum einu stigi frá því og við erum að spila við lið sem er einu sæti fyrir ofan okkur. Ég ætla að vera leiðinlegi gæinn með þetta og koma með klisjuna það er einn leikur í einu," sagði Óli Stefán við Fótbolta.net.

„Það er svo sannarlega verðugt verkefni framundan hjá okkur. Við erum að spila við besta lið Íslands undanfarin áratug á þeirra heimavelli. Það er ágætis mælistika á það hvað við erum komnir langt á þessu ferðalagi."

Andri Rúnar Bjarnason, framherji Grindvíkinga, er kominn með 15 mörk í Pepsi-deildinni í sumar. Hann stefnir hraðbyri í átt að markametinu í efstu deild en það er 19 mörk. Heldur Óli að Andri muni ná metinu?

„Mér er eiginlega alveg sama. Honum er ekki sama en hann spáir voða lítið í þetta. Aðalatriðið er að liðið skori mörk. Okkar sóknarleikur er svolítið byggður í kringum hann og hann hefur nýtt það í sumar og spilað vel," sagði Óli en það kemur honum

„Þegar við vorum að reyna að fá hann í fyrra þá sagði Milan Stefán Jankovic (aðstoðarþjálfari Grindavíkur) að þetta væri besti senter á Íslandi. Hann hefur komið í gott umhverfi og vinnu hjá okkur og hann er besti senter á Íslandi í dag," sagði Óli.

Hér að ofan má sjá viðtalið í heild sinni.

Leikir dagsins
17:00 ÍA-KA (Norðurálsvöllurinn)
17:00 Víkingur R.-Stjarnan (Víkingsvöllur)
17:00 FH-Grindavík (Kaplakrikavöllur)
19:15 Valur-Breiðablik (Valsvöllur)