Það var Óla Stefáni Flóventssyni, þjálfara Grindavíkur hulin ráðgáta að lið hans hafi ekki náð að skora gegn Íslandsmeisturum FH í dag en FH-ingar unnu leikinn 1-0.

„Þegar stórt er spurt. Ég skil það ekki. Við vorum búnir að fá fjóra 100% sénsa að skora áður en þeir fá sinn fyrsta og skora. En í svona bardaga, gegn svona liðum þá liggur kannski munurinn þar á gæðum," sagði Óli Stefán.

Óli Stefán var ánægður með spilamennsku Grindavíkur í dag en hundsvekktur yfir því að fá ekkert úr leiknum.

„Það segir kannski margt að ég er hundsvekktur að hafa ekki unnið þennan leik. Við ætluðum að koma hingað og vinna og spiluðum þangað. Við spiluðum eins og sigurvegarar í dag."

Eftir leik kvöldsins minnkuðu líkur Grindavíkur á Evrópusæti all svakalega en FH er komið þremur stigum á undan, og á auk þess leik til góða. Óli Stefán nennir lítið að vera að spá í þessari Evrópubaráttu.

„Ég nenni ekki að spá í það. Ég nenni ekki að vera að velta fyrir mér hvað hin liðin eru að gera í kringum mig. Það gerir mann alveg brjálaðan að vera velta þessu öllu fyrir sig að ég nenni því ekki