Srdjan Tufegdzic, þjálfari KA var allt annað en ánægður með leik sinna manna í tapinu gegn ÍA í kvöld.
Lestu um leikinn: ÍA 2 - 0 KA
„Það vantaði bara allt. Mér fannst við bara ekki vera klárir í þennan slag í dag. Í þessari deild er það þannig að ef þú ert ekki klár er enginn séns á að vinna leiki, sama á móti hvaða liði þú ert að spila. Þetta var einn slakasti leikur okkar á tímabilinu," sagði Tufa.
Guðmann Þórisson var á bekknum hjá KA í kvöld en hann hefur verið frá vegna meiðsla í allt sumar.
„Það er erfitt að segja hvort hann sé 100% eftir að hafa ekki spilað í þrjá mánuði en hann er 100% heill og það er mjög gott. Hann er búinn að æfa núna á fullu í þrjár vikur og ég er mjög ánægður með að hann sé kominn til baka."
Callum Williams fékk að líta á rauða spjaldið undir lokin og er Tufa ekki alveg viss hvort hann sé ósammála dómnum.
„Kannski er það of grimmt að reka hann bara útaf. Ég þarf bara að sjá þetta betur."
Athugasemdir