Klopp var kynntur til leiks hjá Liverpool í gær en Brendan Rodgers var látinn taka poka sinn um síðustu helgi eftir jafntefli gegn Everton.

„Þetta er góð ráðning. Ég hef hrifist af honum. Ég þekki Jurgen (Klopp) nokkuð vel þar sem við höfum setið marga fundi saman," sagði Ferguson í samtali við ESPN fréttastofuna.

„Hann hefur mjög sterkan persónuleika. Hann er þrjóskur og ákveðinn og ferillinn hans hjá Dortmund sýnir að það er mikið í hann varið."

„Ég held að hann muni gera vel og þar sem þetta er Liverpool, þá hef ég áhyggjur af því," sagði Ferguson.