Halldór Jón Sigurðsson, eða Donni, eins og hann er alltaf kallaður, er nýr þjálfari Þórs/KA. Hann þjálfaði karlalið Þórs síðustu 2 ár en hætti nú í haust af fjölskylduástæðum.
„Ég ákvað að hætta með karlalið Þórs í rauninni af fjölskylduástæðum, við þurftum að flytja úr bænum og fluttum svo sannarlega úr bænum og búum á Sauðárkróki eins og staðan er í dag. Það var voðalega einfalt að hálfu knattspyrnudeildar Þórs, því frábæra fóki sem er þar, að það var ekki í boði að keyra á milli með karlalið Þórs. Þór/KA hins vegar fannst það bara ágætis hugmynd og þau í rauninni gúdderuðu það að ég keyri á milli og mun halda áfram að búa á Sauðárkróki, allavega í óákveðinn tíma,“ sagði Donni.
„Þór/KA hefur verið í fremstu röð í kvennaknattspyrnu núna í ég veit ekki hvað mörg ár, gott ef ég las ekki einhvers staðar níu ár í topp fjórum. Ég held að það sé engin spurning að við þurfum að halda áfram þessu góða starfi sem hér hefur verið unnið, og bæta það. Ég er ekki hérna til þess að vera í einhverri meðalmennsku, við erum að fara bara áfram og ofar og við ætlum bara að reyna að vinna titla."
Viðtalið við Donna má sjá í heild sinni hér að ofan.
Athugasemdir