„Algjör ævintýraþrá, ég vildi prófa eitthvað nýtt og spila í öðru landi. Ég vildi upplifa aðra minningu og kynnast einhverju nýju," segir Binni.

„Fyrstu mánuðurnir hafa verið mjög góðir. Það eru allir rosalega vingjarnlegir. Allir hérna vilja gera allt fyrir mann. Stundum eru þeir of vingjarnlegir og vaða bara inn til þín án þess að banka og bjóða góðan daginn."

Binni segir að gæðin í færeysku deildinni séu ágæt.

„Þeir kunna alveg fótbolta. Það eru fínustu lið hérna og ég tel að bestu þrjú til fjögur liðin séu á ágætis kaliberi miðað við liðin heima á Íslandi."

Getur HB orðið meistari á þessu tímabili?

„Ég tel það. Við erum með mjög gott lið. Við erum með gæðaleikmenn, unga og tekníska. Við erum að smella saman og ég tel okkur eiga sama séns og fleiri lið. Heimir þekkir ekkert annað en að vinna og ég sé ekki af hverju við ættum ekki að stefna á toppinn," segir Binni.

Í Færeyjum er talað um að Heimir hafi lyft fagmennskunni í kringum HB á annað plan frá síðasta tímabili. HB er stærsta félag Færeyja en árangurinn síðustu ár hefur ekki verið eftir væntingum.

„Leikmennirnir tala um það. Það er mikið af góðum æfingum með háu tempói. Það er miklu meiri atvinnumennska í menningunni sem Heimir hefur komið með."

Sjáðu viðtalið í heild sinni í sjónvarpinu hér að ofan.