England vann dýrmætan sigur gegn Írlandi í undankeppni fyrir EM á þriðjudaginn þar sem lokatölur urðu 0-2 eftir mörk frá Lauren James og Alex Greenwood.
Þær ensku lentu ekki í vandræðum gegn nágrannaþjóð sinni en þær írsku fengu þó fín hálffæri í leiknum.
Það sem vakti mesta athygli áhorfenda í þessum grannaslag voru eflaust mögnuð innköst Megan Campbell, þar sem hún grýtti boltanum ótrúlega langar vegalengdir eftir innkomu sína af bekknum í síðari hálfleik.
Hér fyrir neðan má sjá lengsta innkast Campbell í tapleiknum, sem gæti mögulega flokkast sem eitt af lengstu innköstum í sögu fótboltans.
Campbell er 30 ára gömul og er samningsbundin London City Lionesses eftir að hafa einnig leikið fyrir Everton, Liverpool og Manchester City á ferlinum.
This insane long throw taken by Megan Campbell against England-W
byu/oklolzzzzs insoccer
Athugasemdir