„Þeir geta í raun sjálfum sér um kennt," sagði Tryggvi Guðmundsson, sérfræðingur Fótbolta.net, um 2-4 tapið gegn Úkraínu í kvöld.
Lestu um leikinn: Ísland U21 2 - 4 Úkraína
„Fyrri hálfleikur var í sjálfu sér fínn og við áttum að skora meira en eitt mark. Slæmar ákvarðanir leikmanna gerðu það að verkum að við vorum bara 1-0 yfir í hálfleik."
Ef Kristján Flóki hefði sett Elías í gegn í fyrri hálfleik í stað þess að skjóta af löngu færi, sem var að mínu mati mjög léleg ákvörðun, þá hefði Elías líklega klárað þetta 2-0 og við værum á leið til Póllands."
„Við fáum á okkur mjög klaufalegt jöfnunarmark, bæði brotið í aðdragandanum og svo verður Rúnar Alex að taka þetta mark á sig,"
Oliver Sigurjónsson og Ævar Ingi Jóhannesson gátu ekki spilað í kvöld vegna meiðsla og var sárt saknað.
„Oliver er dreifari góður og góður knattspyrnumaður. Heiðar Ægis náði ekki að skila sendingum á samherja, ég hefði treyst Oliver fyrir því," sagði Tryggvi en viðtalið má sjá í heild í sjónvarpinu hér að ofan.
Athugasemdir