Frakkinn Jerome Valcke, sem var í janúar rekinn sem framkvæmdastjóri FIFA, hefur verið dæmdur í tólf ára bann frá afskiptum af fótbolta. Bannið tekur gildi samstundis.
Valcke hefur verið dæmdur sekur um allskyns svindl og svínarí. Hann hagnaðist ólöglega á ýmsan hátt, meðal annars gegnum miðasölu á leiki HM og sjónvarpsréttasamninga en hann er einnig sakaður um að hafa tekið þátt í mútumálum.
Valcke hefur verið dæmdur sekur um allskyns svindl og svínarí. Hann hagnaðist ólöglega á ýmsan hátt, meðal annars gegnum miðasölu á leiki HM og sjónvarpsréttasamninga en hann er einnig sakaður um að hafa tekið þátt í mútumálum.
Ofan á það reyndi hann vísvitandi að hindra framgang réttvísinnar og koma í veg fyrir rannsóknir á sínum málum. Hann reyndi að eyða ýmsum upplýsingum og skjölum sem sönnuðu sekt hans.
Gríðarleg spilling hefur grasserað í alþjóðlegum fótbolta um margra ára skeið en viðamikil rannsókn er í gangi og margt óhreint sem hefur komið upp á yfirborðið.
Athugasemdir