Eiður Smári Guðjohnsen.
Kolbeinn Sigþórsson.
Club Brugge komst upp að hlið Zulte-Waregem í belgísku deildinni í dag með því að vinna 4-2 útisigur gegn Standard Liege. Eiður Smári Guðjohnsen kom inn sem varamaður og lagði upp fjórða mark Club Brugge með sinni fyrstu snertingu.
Zulte-Waregem vann 3-2 sigur gegn Lokeren í gær en Ólafur Ingi Skúlason var ónotaður varamaður hjá Zulte-Waregem. Anderlecht getur komist á topp deildarinnar í dag með sigri gegn Genk.
Zulte-Waregem vann 3-2 sigur gegn Lokeren í gær en Ólafur Ingi Skúlason var ónotaður varamaður hjá Zulte-Waregem. Anderlecht getur komist á topp deildarinnar í dag með sigri gegn Genk.
Lokaumferð hollensku úrvalsdeildarinnar fór fram í dag.
Kolbeinn Sigþórsson skoraði fyrra mark Ajax þegar hollensku meistararnir báru sigurorð af Groningen 2-0. Kolbeinn skoraði sjö deildarmörk á tímabilinu.
Jóhann Berg Guðmundsson lék allan leikinn fyrir AZ Alkmaar og Aron Jóhannsson kom inn sem varamaður þegar hálftími var eftir þegar liðið tapaði fyrir Willem 2-0. AZ endaði í tíunda sæti.
Alfreð Finnbogason og félagar í Heerenveen töpuðu fyrir Roda 1-0. Alfreð skoraði 24 mörk í deildinni og endaði sem þriðji markahæsti leikmaður deildarinnar. Heerenveen endaði í áttunda sæti.
Þá lék Guðlaugur Victor Pálsson allan tímann fyrir NEC Nijmegen sem tapaði fyrir Waalwijk á heimavelli 2-1. NEC endaði í fimmtánda sæti og hélt sæti sínu.
