Heimild: Heimasíða Hauka
Úlfar Hrafn Pálsson.
Úlfar Hrafn Pálsson hefur skrifað undir lánssamning þess efnis að hann spilar með Haukum í 1.deildinni í sumar. Hann kemur til Hauka frá Val. Frá þessu er greint á heimasíðu Hauka.
Úlfar þekkir vel til í Haukum, enda hefur hann spilað allan sinn ferill með Haukum fyrir utan síðasta ár, er hann lék með Val í Pepsi-deild karla. Úlfar er 24 ára örvfættur og getur bæði leikið í stöðu bakvarðar og á kanti.
Hann hefur á sínum ferli spilað 117 meistaraflokksleiki, þar af 103 með Haukum og skorað 15 mörk. Í fyrra spilaði hann 13 leiki með Val í Pepsi-deild karla.
Hann verður í löglegur með Haukum gegn Víkingi R. í bikarkeppni KSÍ á morgun. Sá leikur hefst klukkan 19:00 og fer fram á Víkingsvelli.
