banner
   mið 12. júlí 2017 20:42
Guðmundur Aðalsteinn Ásgeirsson
Liverpool vann öruggan sigur - Gylfi fyrirliði Swansea
Mynd: Getty Images
Liverpool var mjög sannfærandi í sínum fyrsta leik á þessu undirbúningstímabili. Ensku liðin eru að hefja undirbúningstímabil sitt, en Liverpool mætti Tranmere Rovers í kvöld.

Liverpool mætti með sterkt byrjunarlið til leiks, en þeir skiptu út öllu byrjunarliðinu sínu og mættu með nýtt lið í seinni hálfleikinn.

James Milner er alltaf öruggur á punktinum og hann skoraði fyrsta markið. Serbinn Marko Grujic bætti við öðru fyrir lok fyrri hálfleiks.

Í seinni hálfleiknum bættu síðan hinir efnilegu Pedro Chirivella og Ben Woodburn við mörkum, lokatölur 4-0.

Swansea var einnig að spila í kvöld, þeir mættu neðri-deildarliði Barnet og þurftu að sætta sig við óvænt tap.

Gylfi Þór Sigurðsson, sem hefur verið sterklega orðaður við brottför frá Swansea í sumar, byrjaði á varamannabekknum í kvöld, en hann kom inn í hálfleik og fékk þá fyrirliðabandið.

Tranmere Rovers 0 - 4 Liverpool
0-1 James Milner ('34, víti)
0-2 Marko Grujic ('42)
0-3 Pedro Chirivella ('50)
0-4 Ben Woodburn ('79, víti)

Barnet 1 - 0 Swansea
1-0 John Akinde ('41)





Athugasemdir
banner
banner
banner