Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 12. ágúst 2017 17:27
Guðmundur Aðalsteinn Ásgeirsson
Clement: Tala ekki um aðra leikmenn fyrr en Gylfi fer
Gylfi er á förum frá Swansea.
Gylfi er á förum frá Swansea.
Mynd: Getty Images
Paul Clement uppfærði blaðamenn um stöðuna á Gylfa Þór Sigurðssyni eftir markalaust jafntefli gegn Southampton í dag.

Gylfi er á förum frá Swansea til Everton.

Félögin eiga enn eftir að komast að samkomulagi um kaupverð, en það hefur tekið sinn tíma! Swansea hefur hingað til hafnað tveimur tilboðum í Gylfa eftir því sem Fótbolti.net kemst næst.

Eftir leikinn gegn Southampton í dag sagðist Clement ekki ætla að tala um kaup á öðrum leikmönnum fyrr en Gylfi fer.

„Ég ætla ekki að tala um möguleg leikmannakaup," sagði Clement eftir leikinn gegn dýrlingunum í dag.

„Það eina sem er mikilvægt er staða Gylfa. Ef það gengur upp þá getum við talað um aðra leikmenn. Það verður ekkert víst fyrr en Gylfi fer frá félaginu," sagði Clement.

„Það er ekkert samkomulag í höfn enn. Það er einhver barátta um verð, en ég held að þetta sé að styttast."
Athugasemdir
banner
banner
banner