Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 12. október 2015 13:14
Magnús Már Einarsson
Guðjón Lýðs mjög eftirsóttur - Vill komast út
Guðjón Pétur Lýðsson.
Guðjón Pétur Lýðsson.
Mynd: Fótbolti.net - Hafliði Breiðfjörð
Guðjón Pétur Lýðsson er gífurlega eftirsóttur þessa dagana eftir að ljóst var að hann mun ekki framlengja samning sinn við Breiðablik. Stór hluti félaga í Pepsi-deildinni hafa sýnt honum áhuga.

„Stjarnan, Valur, ÍBV og Víkingur hafa sýnt langmestan áhuga á að fá mig. Síðan eru lið sem eru ofar í töflunni sem haf ekki vita ekki með hópana sína en ég er ekki að fara að bíða. Annað hvort vill einhver mjög mikið fá mig eða ég sleppi því," sagði Guðjón Pétur við Fótbolta.net í dag.

Áhuginn á Guðjóni er þó ekki einungis í Pepsi-deildinni. „KA hefur líka hringt í mig og vilja tala við mig. Ég ætla að heyra hvað þeir hafa að segja," sagði Guðjón.

Guðjón segir þó að aðalmarkmið sitt sé að komast út í atvinnumennsku. Sá gluggi verður opinn í vetur.

„Ég mun semja við eitthvað íslenskt félag á næstu dögum með því skilyrði að ég geti farið út í glugganum. Ef það gerist ekki þá verð ég á Íslandi," sagði Guðjón.

„Það eru nokkur félög á Skandinavíu sem eru að klára sitt tímabil. Síðan fara einhverjir leikmenn frá þeim og þá er maður í sigtinu. Ég ætla að leggja allt í að reyna að komast út og það eru meiri líkur en minni að ég geri það."

Guðjón er 27 ára gamall en hann fékk smjörþefinn af atvinnumennsku erlendis þegar hann var á láni hjá Helsingborg 2011 þar sem hann varð sænskur meistari.
Athugasemdir
banner
banner
banner
banner
banner