Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 12. október 2017 11:26
Elvar Geir Magnússon
Formaður ÍBV þögull sem gröfin
Engar staðfestar fréttir hafa komið frá Vestmannaeyjum.
Engar staðfestar fréttir hafa komið frá Vestmannaeyjum.
Mynd: Fótbolti.net - Hafliði Breiðfjörð
Enn eru ekki komnar staðfestar fréttir af þjálfara- eða leikmannamálum ÍBV. Páll Hjarðar, formaður ÍBV, vildi ekkert segja þegar Fótbolti.net hafði samband við hann í dag.

„Það er verið að vinna í þessum málum og ég ætla ekki að láta hafa neitt eftir mér. Ég er þögull sem gröfin. Það heyrist frá okkur fljótlega," segir Páll.

Kristján Guðmundsson gerði ÍBV að bikarmeisturum í sumar og liðið hélt sæti sínu í Pepsi-deildinni eftir harða fallbaráttu. Kristján er samningsbundinn en orðrómur hefur verið um að hann gæti hætt störfum.

Páll sagði fyrir rúmri viku að engin niðurstaða væri komin en að árangurinn undir stjórn Kristjáns hefði verið frábær.

Hann sagði þá einnig að Eyjamenn vildu halda öllum þeim leikmönnum sem spiluðu í sumar. Orðrómur hefur verið um að Hafsteinn Briem, Pablo Punyed og Sindri Snær Magnússon ætli sér að leika á fastalandinu næsta sumar.
Athugasemdir
banner
banner
banner