„Það er von á tilkynningu úr Hafnarfirði þegar við erum búnir að ganga frá rétta þjálfaranum. Það er eins og með ríkisstjórnina, þetta verður að smella," segir Jón Rúnar.

„Við höfum verið í viðræðum við góðan þjálfara. Ég trúi ekki að helgin líði án þess að við ráðum þjálfara."

FH ákvað að segja samningi Heimis Guðjónssonar upp í síðustu viku en liðið hafnaði í þriðja sæti Pepsi-deildarinnar. Heimir sagði að eina sem hann væri ósáttur við væri tímasetningin á uppsögninni. Jón Rúnar vildi ekkert tjá sig um þau ummæli við Fótbolta.net.

Ólafur Kristjánsson hætti nýlega sem þjálfari Randers en daginn eftir að það var tilkynnt var Heimi sagt upp.