banner
   fim 12. október 2017 23:00
Ívan Guðjón Baldursson
Khedira ósáttur með hárgreiðsluna sína í FIFA
Mynd: Getty Images
Nýjasti FIFA leikurinn, FIFA 18, er að margra mati sá raunhæfasti og flottasti hingað til.

Þrátt fyrir frábæra tækni sem getur fært andlit knattspyrnumanna yfir í tölvuleikinn er þýski miðjumaðurinn Sami Khedira ósáttur með hárgreiðsluna sína í leiknum.

Khedira var með nokkuð sítt hár, eða svokallaða Fabio-hárgreiðslu, þegar hann var hjá Real Madrid, en skömmu eftir komu sína til Juventus fyrir tveimur árum lét hann klippa sig. Khedira hefur viðhaldið stuttu hári síðan þá, en þrátt fyrir það er hann með sítt hár í nýjustu útgáfu leiksins.

„Hey @EASportsFIFA, ég er mjög ánægður að ykkur finnst sítt hár fara mér vel... en ég er búinn að vera stuttklipptur í næstum því tvö ár..." skrifaði Khedira á Twitter.



Athugasemdir
banner
banner
banner