fim 12. október 2017 22:30
Ívan Guðjón Baldursson
Heimild: Daily Mail 
Success handtekinn fyrir að heimta endurgreiðslu frá gleðikonum
Isaac Success þykir mikið efni en gæti verið í vandræðum eftir ansi neyðarlegt atvik.
Isaac Success þykir mikið efni en gæti verið í vandræðum eftir ansi neyðarlegt atvik.
Mynd: Getty Images
Ástandið er ekki gott fyrir Isaac Success, ungan sóknarmann Watford, sem var handtekinn fyrir mánuði síðan eftir að lögreglu barst hávaðakvörtun frá Sopwell House hótelinu í Hertfordshire.

Enskir fjölmiðlar segja að lögreglan hafi komið að nígerska framherjanum sótölvuðum með fjórum gleðikonum, en lætin stöfuðu af því að Success vildi fá endurgreiðslu.

Tvær af gleðikonunum hafa talað við fjölmiðla og er Marco Silva, knattspyrnustjóri Watford, ekki skemmt. Success var keyptur fyrir tæpar 13 milljónir punda fyrir ári síðan, en honum hefur aðeins tekist að gera eitt deildarmark í 17 leikjum.

„Á leikmaðurinn framtíð hjá félaginu? Ég get ekki sagt til um það meðan hann er meiddur," sagði Silva.

„Hann, sem og aðrir leikmenn, verða að átta sig á því að þeir eru atvinnumenn og að það eru reglur sem þarf að fylgja."
Athugasemdir
banner
banner