Hafnfirski miðjumaðurinn Björn Daníel Sverrisson snýr aftur til AGF í janúar en hann hefur leikið með Vejle á lánssamningi.
AGF er í ellefta sæti af fjórtán liðum dönsku úrvalsdeildarinnar.
AGF er í ellefta sæti af fjórtán liðum dönsku úrvalsdeildarinnar.
Þjálfaraskipti urðu hjá AGF í haust og vill David Nielsen, nýr þjálfari liðsins, fá Björn inn í hópinn hjá sér. Hann segir við danska fjölmiðla að Björn muni eiga jafna möguleika og aðrir leikmenn.
Komið er vetrarhlé í dönsku úrvalsdeildinni en keppni fer aftur af stað í febrúar.
Þess má geta að Vejle trónir á toppi B-deildarinnar en Björn Daníel átti ekki fast sæti í byrjunarliði liðsins.
Athugasemdir