Brasilíska liðið Gremio þurfti framlengingu til að leggja Pachuca frá Mexíkó að velli í undanúrslitum á HM félagsliða í kvöld. Leikið var á Hazza Bin Zayed vellinum í Abu Dhabi.

Það var hart barist í venjulegum leiktíma og bæði lið fengu tækifæri til að skora en tókst ekki að gera það.

Því þurfti að framlengja og í framlengingunni þurfti aðeins að bíða tæpar fimm mínútur eftir fyrsta markinu. Það gerði Everton fyrir Gremio, en það reyndist einnig eina mark leiksins.

Al-Jazira og Real Madrid mætast í hinum undanúrslitaleiknum á morgun. Úrslitaleikurinn er svo á sunnudag.

Sjá einnig:
Real Madrid reynir að vinna HM félagsliða annað árið í röð