Adrian fékk tækifærið gegn Manchester City þar sem Hart mátti ekki spila leikinn. Spánverjinn stóð sig vel og var aftur í rammanum gegn Chelsea um síðustu helgi. Hamrarnir unnu þar óvæntan sigur.

„Joe mun spila fullt af leikjum fyrir West Ham. Hann er hér á lánssamningi en fer ekkert til baka á þessu tímabili. Vonandi heldur Adrian áfram að spila vel. Það koma leikir fyrir Joe og ég er heppinn að hafa harða samkeppni um markvarðarstöðuna," segir Moyes.

„Joe er flottur gaur og er góður fyrir okkur í klefanum. Hann hefur mikla reynslu."

Talað er um að Joe Hart gæti misst sæti sitt í enska landsliðinu með því að vera á bekknum hjá West Ham.

„Mitt starf er að velja liðið hjá West Ham, ekki enska landsliðið. Gareth Southgate veit alveg hvað hann vill."

West Ham á leik gegn Arsenal á morgun.